【同情】

luka sina li lon luka mi.
luka ni li seli pona li pana e pilin seli tawa mi.
seli ni li sama pilin sina. tan ni la pilin mi li kama pona.

taso mi pilin e ni:
ken la sina pana e seli tawa mi tan ni: mi jo ala e seli.
sina pona. tan ni la sina pana e pilin seli tawa jan pi jo ala e seli.

mi sona e ona, taso mi ken ala weka e pilin sina tan ni: ona li pona mute tawa mi.
sina pana e seli tawa mi la mi ken jo e kon lili lon ma ni pi ike mute.

ona li sama misikeke pi weka e ike.
ken la ona li lon tawa mi.

mi wile e misikeke tan sina.
tan ni: ma ni li ike mute la awen lon li pona ala.
taso mi wile ala e moli.

pilin sina li olin ala. taso mi pilin ike ala.

2/21/2026, 9:55:59 AM