【秋恋】

tenpo ni la, sina lon tomo mi.
tenpo pini la, sina tawa tomo mi la sina wile e tan.
taso, tenpo sike pi suno suli li kama la, sina tawa tomo ni lon tan ala.

tenpo ni la, luka sina li poka mi kepeken pilin olin.
tenpo pini la, luka mi taso li poka sina kepeken pilin olin tan pilin kiwen pi sina.
taso, tenpo suli la mi en sina li kama pona e tenpo luka kepeken pilin olin, la pilin kiwen pi sina li ante e lili.

tenpo ni la, mi lukin awen e sina, la sinpin sina li kama loje tan pilin olin sina.
tenpo pini la, mi lukin awen e sina, la sinpin sina li weka kepeken pilin pona ala pi sina tawa mi.
lukin sina li weka tawa mi lon tenpo ni sama tenpo pini, taso sinpin sina en pilin sina li sama ala sina pi tenpo pini tan sina sona e pilin olin pi mi.

tenpo sike pi suno suli la tenpo mi poka sina li ante e pona mute.
mi... en sina kin li sona ala e ante pi tenpo kama pi tenpo suli.
ken la, ni li ante e ike tawa mi en sina la mi ken ala e lon poka sina lon tenpo kama pi awen.
taso, mi wile e poka sina lon tenpo ni en tenpo kama pi tenpo lili.
tenpo ni la, mi pilin e kama pi tenpo mun pi lete lili.
en, mi pilin e seli pi sijelo sina.

【愛する、それ故に】

kalama pi pakala jasima la, kon mi li kama lon ma ni.
kama la, pali mi pi tenpo suno ni li pini.
tan ni, mi kepeken sijelo pi pona ala lili tawa tomo sina.

tenpo pali mi la, mi kepeken kon pi ante mi.
ken la, mi ante li pali pona lon tenpo suno ni.
tan ni la sina pana e toki pona tawa mi — kon ante mi.

sina kama pana e luka tawa lawa mi, kepeken pilin.
luka sina pi jo ala len li pana pilin pona tawa mi.
taso, mi pilin lili: ona li pana tawa mi anu seme?

ken la, sina lukin mi, taso sina pilin e ante mi.
sina li lukin mi. ni li lon anu seme?

mi pilin e ni la luka mi li awen e luka sina.
en, luka mi li tawa uta mi kepeken e luka sina.
sijelo sina li tawa lili, taso sina weka ala e luka.
tan ni, uta mi li sama moku e luka lili pi sina.

sina kalama suli pi ilo tenpo tan pilin seme?
mi pilin pona e ni.
tan ni, uta mi li pana e telo uta tawa luka lili sina kepeken pilin olin.
en, ante luka lili kin.

kama ona la, sina toki kepeken pilin loje lili e ni:
“sina o, a… ijo e seme?”
mi kute e ni la mi kama pilin loje pi pona ala.
mi weka kepeken wawa e luka sina.

“a, mi ike tawa sina. a, sina o, o weka e pilin sina lon pali ona mi.”
“toki sina li nasa… mi o ken ala e ni.”

mi wile ala jo e lukin sina, taso sina jo e luka mi.
en sina toki e ni:
“sina o, kama pini ala e pali ona.”
mi kama len e sinpin mi pi loje kepeken luka wan mi.

mi pilin e ni: mi nasa lon tenpo pini.
tan pilin ike pi tawa kon ante mi, mi pali e ijo nasa.
tan ni la tenpo ni la sinpin mi li jo e seli en loje.
tan pilin olin pi tawa sina.

【静寂の中心で】

tenpo pini lili lili la utala monsuta li pini tawa mi en kulupu mi.
utala ni li pona ala.
tan ni la jan ale pi kulupu mi li kama moli, taso jan wan li moli ala.
ona... sina jo e pakala mute lon sijelo sina tan utala monsuta.
sina len e telo loje, en sina kepeken ala wawa lon poka ma.
mi kama lon insa ma pi utala pini, lon jan moli pi kulupu mi, en mi tawa poka sina.

"sina o... ken pona?"
"a, pona ala, taso moli ala."
"tenpo ni la mi kama sike e ilo tenpo."
"sina o pali ala. tan pakala mi li kama pona lon tenpo lili."
"taso..."
"sina wile kama sike e ilo tenpo tawa jan ale la sijelo en kon pi sina li kama e pona ala."

sina toki e ni en sina seli e kasi moli pi len lipu.
mi sona e ni: mi kama sike e ilo tenpo tan jan sina la mi pilin ike en pakala pi mute.
taso,

"taso, mi ken ala awen e pakala tawa sina. tan ni la mi wile weka e pakala sina."
"sina kama ala e ni la mi pilin ala ike e ni. taso sina toki e sama?"
"mi toki sama. tan mi wile ala lukin e sina pi pakala."

sina moku e kon seli pi kasi moli.
kon seli taso li tawa lon ma ni.

"mi sona e toki pi sina. a... wile la mi kama moku pini e ni. sina ken awen?"
"mi ken."

sina moku kepeken tenpo mute e ni. mi awen e ni.
sina toki ala. mi kin.
tenpo kasi moli pi len lipu li kama seli pini la sina toki lili.

"... mi ike tawa mi lon tenpo suno ale."
"sina ike ala, mi kin li pana e ijo ike tawa sina en jan ale pi kulupu mi."
"sina wile ala pilin e ni. ijo li pali mi."
"sina kin. mi kama pali taso."

sinpin pi mi en sina li kama e pilin seme.
mi pini e oko la mi kama sike e ilo tenpo lon insa ma pi kalama ala.

【燃える葉】

ilo kasi seli li seli lili. sina moku e kon pi kasi seli lili.
mi lukin e ni.
kasi moli pi len lipu li seli lili kepeken tenpo mute.
kama la ni li kama e kon seli.

mi lon poka sina lon tenpo suli la mi kama sona e ni: ona sina li sama ala e ona pi jan ante.
tan ante e kasi.
jan li lukin sama e kasi moli.
taso, tenpo seli li ona la ona li kama e kon ante.

ma ante li jo e sina ante.
sina ante... ona li sama sina taso sina ala.
sama kasi... tan, lon ma ante la ante e ken pi sina.
lukin sama, taso jo e kon ante.

mi pilin pona e kon seli pi sina ante. taso, mi pilin pona mute e kon seli pi sina pi lon ma ni.

ilo kasi seli li seli lili. sina moku e kon pi kasi seli lili.
mi lukin e ni.
mi lukin kasi seli. en mi lukin e sina.

【moonlight】

mi moku e kon seli pi kasi lon poka ma pi tomo tawa.
mi lukin e sewi pimeja la mun sike pi walo li lon lon ona.
ken la mun ni li lon ala, taso mi pilin suli ala.
ijo li suli li suno walo lon sewi pimeja la ni li mun tawa mi.

"sina o, pilin e ijo seme?"
sina pana e toki tawa mi.
sina lon insa tomo tawa lon tenpo pini lili taso, sina kama lon poka mi lon tenpo ni.
mi lukin lili tawa sina. mi li toki e ni.
"ijo ala. mi lukin mun taso."
"a. mun pi tenpo suno ni li lukin pona."

mi moku e kon seli en lukin tawa sina.
sina lukin e mun. mun li pana e suno walo lili. sina lon anpa suno mun.
seli lon sewi pi lawa sina li tawa sama kon, li suno pi jelo en pimeja. mi pilin pona lili, lukin awen e ni.

"n... ken la mi kama nasa lon seme mi?"
sina toki kepeken pilin pona ala lili.
mi kama lukin ala e sina lon tenpo ni.
"a, mi ike tawa sina. tan la mi kama pini e lukin tawa sina."
"sina ike ala. n, sina lukin tawa mi la mi kin li lukin tawa sina."
"a...?"

sina toki e ona la sina lukin tawa mi.
mi pilin pona ala pi loje lon lili.
mi kama len e luka wan tawa monsi pi sijelo mi.
luka wan mi li sama pipi. jan mute li lukin e luka ni la jan ona li pilin jaki.
tan ni la mi wile ala e ni: sina lukin awen e luka ni mi.
mi wile len e pilin ni la mi toki kepeken kon sama musi tawa sina.
"a..., mi pilin e ni: sina lukin e mi taso sina kama ala pilin musi. sina o pilin sama ni?"
"mi pilin sama ala... mi pilin pona. tan ni la... n..."
sina pini lili e toki lon tenpo lili.
taso, sina toki e ni.
"mi pilin pona e sina ale. luka sina kin."
sina toki en luka e luka pipi pi mi.
sijelo mi li tawa lili taso mi ken ala weka e luka sina.
mi lukin e luka sina lon unpa suno mun la mi pilin seli lili e ni.
tan ni: ken la mi pilin pona e toki sina ni.
jan mute li pilin pona ala e luka ni sama pipi. mi kin pilin ni.
taso sina luka e luka mi ni.
sinpin mi li kama loje tan pilin pona la sinpin mi li kama tawa sina ala.
tan ni la, mi toki lili taso e ni.
"... sina li nasa."
sina kute e ni en sina kama kalama kepeken pilin pona en musi.

ken la sina toki e ni tan e sina jo ala e pilin sina pi tenpo pini ale.
taso, mi ken pilin suli ala e ni.
jan ni li toki pi pona en pana seli lili tawa mi lon tenpo ni la ona li sina tawa mi.
sama mun ni... ona li lon anu lon ala, taso sina li suno lon pimeja tawa mi.