【行かないでと、願ったのに】

jan pi kulupu mi li kama lon esun lili insa pimeja.
tenpo ni la jan li awen lili kepeken tenpo lili.
ona li tawa ilo pi pana e telo, anu li awen lon supa suli, anu li pali e ijo ante.

mi seli e palisa pi kasi len lipu.
mi wan li moku e kon seli pi ona lon poka sinpin pi esun.
kama la, sina kama tawa poka mi en toki e ni:

“sina o, sijelo sina li ike ala anu seme?”
“a, ike ala. kama awen lili la kama pona.”
“pona. sina pona la, sina o moku e ni.”

toki ni li pini la, sina pana e poki pi telo pimeja tawa mi.
mi lukin e ona li open tan sina.
tan ni: luka wan pi mi li ken ala kepeken, la sina kepeken pilin tawa mi.
mi toki e ni kepeken pilin pona:

“sina pona tawa mi.”
“la pona.”

mi kama moku lili e telo ni.
mi en sina li toki pi kalama lili e toki pi suli ala lon tenpo lili.

telo pimeja ni pi sina pana li suwi ala taso pona.
sijelo mi li kama ante e seli lili tan telo ni.

kama la, mi en sina li kama kute e kalama pi nimi sina tan jan wan pi kulupu mi.
tan ni la, sina kama lukin e sinpin pi kalama ona, en wile kama tawa e ona.

“jan pi seme li kalama e nimi mi la, mi kama tawa.”
“n, sina o tawa ona. jan li wile sina.”

mi kama toki e ona la, lukin awen e monsi sijelo sina pi tawa weka.
tenpo sina opne toki e jan ona lon weka la, mi lukin e poki lon luka mi.
mi pilin lili e ni: mi wile e ni tawa sina lon tenpo pini lili ni.
mi wile toki e ni: sina o tawa ala, o awen poka mi.

mi kama tawa pi wan e lawa mi, sama weka wile ni.
mi pilin e ni: mi o jo ala e wile ni.

mi kama moku e telo insa poki.
telo ni li suwi ala mute.

【秘密の標本】

tenpo mi lon tomo sina la, mi kama lukin e poki leko pi lili lon sewi supa.
tenpo pini la tomo ni li jo ala e ni.
tan ni la mi wile sona lili e ni, mi toki tawa sina.

“sina o, ni li seme?”
“a, insa ni li kiwen pi telo kasi pi tenpo pini. mi esun lon tenpo suno pini lili.”

kiwen jelo pi telo kasi.
tan kute e ona li kama e sitelen ni: ona lili, li sike, en li insa pipi.

mi pilin e sitelen ona la, mi kama pilin lili e ike pi musi ala.
luka mi li sama pipi la mi pilin e mi li sama pipi, pipi moli lon insa kiwen ona kin.

“a… jan li pilin e pona tawa ona tan ni: nanpa li lili, taso jan pi mute li wile jo e ona.”
“n, kama la jan mute li pilin e sama ona, taso mi kama esun tan pilin e lukin pona taso.”

tan toki sina la mi kama e musi lili tan pilin ike en laso.
ken la sina pilin e sama pi pilin mi ─ mi li sama pipi.
tan ni la, sina wile ala kama e mi kama sona, sina pilin e sina ike tawa mi.
taso, mi sona e ni: jan li lukin e luka mi pi wan la jan ona li pilin e luka mi sama pipi, en e mi li jan sama pipi. jan mute li pilin ona, mi kin, sina kin.
tan ni la, sina o pilin ala e sina ike tawa mi. tan mi pilin ala ike e sina.

pilin mi li kama e pimeja la mi ken ala lukin e sina.
kama la, sina kama jo en open e poki leko lon sinpin mi.
mi wile ala lukin e ona taso mi lukin e ona, la sina toki e ni.

“lukin kiwen ni li pona… sina pilin e sama mi?”

kiwen jelo pi ni li jo e suno sama telo suwi pi jelo taso.
ni li jo ala e pipi lon insa.
mi kama pilin e sona ala, tan seme la pipi li lon ala? toki sina pi tenpo pini li pilin pi seme?

mi ken ala lawa e pilin mi la, mi lukin e sinpin sina.
la sina toki e ni kepeken pilin loje.

“mi pilin pona e kiwen ni tan ni li sama oko sina… sina kama pilin seme e pilin mi?”

toki sina li kalama sama pilin olin.
tan tenpo ni la mi sewi e lawa mi en lukin e sina la, sina li ken lukin mute e oko mi.
kama la mi toki e ni tawa sina.

“kama pilin seme…? mi pilin e… toki sina li nasa, nasa mute…”

mi toki e ona, taso ken la sina kama sona e ni: toki mi ni li pilin mi pi lon ala.
sina kama sona e ona tan sinpin mi li kama ante e loje mute pi pilin seli.

mi kama sona e ni:
sina pilin ala e… mi li sama pipi,
sina jo e kiwen pi insa ala e pipi tan ona li sama oko mi.
ni li pona mute tawa mi.

“mi sona tan tenpo pini la sina o toki ni. tan ni la mi pi tenpo pibi li wile ala e sina sona e kiwen ni.”

sina kama toki e ona, kepeken pilin musi lili.
luka sina kama luka e insa sinpin mi poka oko mi kepeken pilin olin,en sina toki e ni.

“taso…, mi kama pilin. kiwen li lukin e pona, taso oko sina li lukin e pona mute.”

mi li wile weka e lukin mi tawa sina tan pilin mi pi seli sama loje.
taso, mi ken ala e wile ni tan luka sina lon sinpin mi poka oko mi.
tan ni la, mi kama tawa seme e oko mi, en toki lili pi kalama lili e ni taso.

“a…, toki sina li… a, ken la… ken la pona, tawa mi…”

sina kama kalama e musi lili.
kalama ni li sama pilin olin la, mi kama ala toki.
mi kama lukin lili e sina kepeken pilin olin kin sama sina.

【凍える朝】

tenpo kama suno lili la, mi kama open e oko, mi pini e lape.
selo mi li len lili e telo sijelo pi ike, kon mi li kipisi, tan lukin e sitelen lape pi ike lon tenpo pini lili.

tomo ni li lete ala taso sijelo mi li tawa lili sama lete mute.
mi pilin sama telo loje mi li kama lete.

mi wan taso li lon lon tomo ni.
taso, mi pilin e sama kalama pi jan mute e toki utala tawa mi.

mi kama jo e lawa mi lon sewi pi supa lape, sama weka e toki pi ona, sama kama awen e pilin mi.
en mi sona ala la, uta mi li kalama lili e nimi sina.
sama wile kama pona, tan sina.

taso, kalama lili li weka taso sama telo tawa kon lon tomo ni.
mi ken ala kama e sina la, mi kama len e sijelo mi kepeken len lape, sama weka lon ni.

【光と影】

ma ni li lon e ike mute.
jan mute lon ma ni li jo e pakala tawa pilin, mi kin.
tan ni la, mi pilin e lukin suno lon sina?
tan e sina kama pana e pona tawa mi.
sama pimeja li mute la suno lili li wawa tawa ona.

taso, suno li kama wawa la pimeja li mute e kule pimeja.
mi kama jo lili e seli tan sina.
tan ni la, tenpo kama la sina weka mi, pilin mi li jo e lete mute.

mi pilin monsuta e ona, taso mi ken ala weka, wile jo e suno pi seli.
mi sona e ni: tenpo kama la pilin mi li pakala en li lete tan wile e suno.
sama pipi moli tawa suno.

【そして、】

mi en sina li lon tomo sina lon tenpo suno anpa.
mi en sina li toki lili tan pali, li pini e toki pali pi suli ala.

mi pilin lili e kama mi pi tenpo kama, en mi kama moku e telo pimeja pi lete lili kepeken tenpo mute.

mi en sina li olin tu, en tomo ni li lon sina en mi taso.
tan ni la mi wile e awen lon tomo ni poka sina.
taso, mi en sina li toki pali lon tenpo pini lili la, mi ken ala e toki olin tawa sina lon tenpo ni.

mi toki ala la, telo pi insa poki li kama e lili tawa tenpo lili.
tenpo pini pi toki pali la telo ni li mute.
mi lukin e telo lili ni la, uta mi li weka e kon lili pi tan telo lete ni.

tenpo moku pini e telo ni la, mi kama weka tomo.
mi ken lukin ala e pilin mi.

tan ni la, sina pana e ilo pali sina tawa supa la sina kama lukin e mi en toki e ni.
“sina kama ala kama tawa tomo sina?”
“mi tawa. a, tan tenpo ni li kama e pimeja la sina wile e lape anu seme?”

mi len e pilin mi kepeken sinpin musi lili.
mi wile ala suli li mi ike tawa sina.

tan toki mi, sina kama pilin pi seme kepeken tenpo lili la toki e ni.
“ken la sina pona la, sina awen lon lon tenpo lili, tan mi wile e ijo tawa sina.”

sina toki ona la, sina kama jo e ijo, en pana e ijo ona tawa mi.
ijo ni li telo jelo pi nasa musi.

“a, tenpo pali la, sina ken ala moku e ni, taso tenpo ni li sina ken moku e ni tan tenpo ni li tenpo pali ala.”

mi jo e ona tawa sina.
mi awen sona e ni: sina ken ala moku e ale, e telo ni kin.
tan ni la mi kama sona e ni: telo ni li lon lon ni tan sina pana tawa mi.
mi ken sona e ni: ken la pilin sina li sama pilin mi ─ pilin e lon poka kin.

tan ni la, mi toki e ni.
“tan ni la… mi kama moku e ni lon tenpo ni la sina pona anu seme?”

sina kama toki e pona.
mi kama kin pana e monsi anpa mi tawa supa la, mi moku e telo pi nasa musi pi lete.
telo ni li lete mute, taso li pana e seli lili pi pona sama nasa tawa insa sijelo mi.

telo ni li mute lon tenpo ni.
tan ni la, mi lon ni.
tenpo kama lili la telo ni li lili.
taso lon tenpo pi ona la, mi awen lon ni, kama la…