【梨】

kili loje li sama e ike mi tawa mi.

kili ante ni li sama anu seme tawa mi?
kili ni li sike. li jo e telo mute.
suli ona li sama insa sijelo pi jan li loje.
taso, ona li loje ala.

tan loje ala la, mi pilin e pona anu seme?
kili li jo ala e loje sama telo jan la, ni li pana ala e ike tawa mi anu seme?

kili pi loje ala pi sama ona li lon mute.
mi kama sona e pilin pini ni: tenpo pini la, kili pi kule pi jelo suno pi sama ona li pana e lon ike tawa mi.

kule ante. insa pi ante lili.
taso, kili sama pi kili loje li ken kama sona e pilin pini mi pi ike tawa mi tan lukin ona.

mi kama pini e toki ona lon lawa mi.
uta mi li kama musi kepeken pilin ike tan ni:
lukin taso e kili wan la mi pilin pi ijo mute.

…ni li ijo mi.
tan ni la, mi wile ala toki e toki ni tawa sina.
tan, ni li… ijo e suli ala.

【LaLaLa GoodBye】

tenpo mi tawa lupa pi tomo sina la, sina tawa sama mi.
mi kama lon lupa tomo taso, mi ken ala luka e nena pi lupa tomo.
tenpo pini lili la mi lon poka sina, en mi pilin e seli sina.
tan ni la, mi pilin lete lili lon tenpo pi weka sina.
mi wile e tenpo lili pi poka sina la, mi kama open e uta mi tawa toki e seme.
taso, mi ken ala sona e toki tawa sina la, luka mi li kama tawa nena pi lupa tomo.

ni la, luka sina li luka sama len e luka mi pi jo nena pi lupa.
pilin mi li tawa lili la, mi kama lukin e sina.
sina toki lili kepeken pilin sama olin.

“…mi kama pilin lete lili, tan weka sina.”

toki sina ni li toki pi mi wile toki taso mi ken ala toki lon tenpo pini lili.
tan ni la, mi kama toki kepeken pilin seli lili.

“…mi pilin sama sina.”
“tan ni la, sina lon awen e ni?”
“ni li… ken ala.”
“mi sona e ni… mi wile e kama pona lape tawa sina.”

mi en sina li pilim sama.
ken pona la, mi kin li wile e lon awen e poka sina.
taso, ni li ken ala la...
tan ni la, sina kama toki kepeken sama musi.

“ken la lawa mi li jo e uta la, uta mi li kama poka mute e sina kepeken wile pi pona lape.”
“sina ken ala e ona la mi kama e ona?”

mi toki e ni kepeken pilin musi lili, taso mi kama pilin seli loje lon tenpo ni.
mi wile kama toki e ante, taso...

“ni li lon? sina kama e ona la, mi pilin poma mute.“

tan sina toki e ni la, mi ken ala toki, uta mi li kalama lili taso e toki ala.

luka sina lon luka mi li kama wawa.
mi pilin kama seli e sinpin mi la, mi lukin e sinpin sina.
lawa sina li ilo tenpo, tan ni la, ni li jo ala e oko, e kute, e uta.
taso, lukin sina li pana awen tawa mi.
tan ni la, luka mi li kama tawa sinpin sina kepeken pilin mi.
en noka mi li kama sewi lili, tan uta mi li kama poka sina.

selo pi uta mi li kama luka e sinpin sina.
sinpin sina li kiwen en lete lili, taso uta mi li luka awen la, kama jo e seli lili tan tawa seli mi.
en mi kama pana e toki lili kepeken wile.

“…sina o, pona lape.”
“mi ken pona lape tan sina. sina kin.”

kalama sina pi toki ni li kepeken pilin olin mute la, sinpin mi li kama seli mute en loje, sama jan lili meli pi jo olin.

pilin mi li tawa sama pakala tawa seli la, mi kama weka sina, mi tawa tomo mi.
tenpo ni la mi pilin lete ala, tan pilin seli li lon poka sina.

【どこまでも】

mi kute e kalama pi ilo tenpo lon poka mi.
taso mi ken ala sona e tenpo tan pilin mi.
pilin mi li telo sama ko seli tan sina pana e pilin seli.

tenpo pini la, mama mi li lawa e mi.
tenpo awen la mi pilin e ni: mi wile weka e ona, taso mi ken ala weka e ona.
tenpo ni la mama mi li lon weka mi, taso mama mi li lawa awen e pilin mi sama pakala.

taso tenpo ni taso la, mi ken ala sona e ni tan luka sina lon mi.
tenpo ni la, mi lon insa pi luka seli pi sina, lon ala pi luka lete pi mama mi.

pilin mi li kama telo sama ko seli tan luka seli pi sina la, lawa mi li ken ala pilin e ale.
ni li pona anu monsuta tawa mi?
tenpo ni la mi sona ala.
ken la mi wile e ni: sina lon poka mute mi.

mi pi nasa tan seli li ken ala toki e wile ni, taso mi kalama kepeken wile ni e nimi sina.
la sina li toki e nimi mi.
tan ni la, pilin mi li sama kama anpa tawa ko li tawa sina.
tawa lon insa pi sina, tawa pini ala.

【未知の交差点】

tenpo utala pi pali kulupu mi la mi kepeken kon ante pi jan mute en sina.
sina ante pi ma ante li kama lon kepeken sijelo sina.
tenpo ante la, mi kama jo e kon ante pi sina.

lon ma ante la, ona li kulupu ike pi ma telo mute. ona li lanpan e jan, en ona li esun e jan ni tan pali ona.
ona li sona e jan kala, ona li toki e ni tawa mi.

lon ma ante la, ona li sewi jan pi ma wan. ona li moku ala e kon seli pi kasi moli seli tan sijelo ona ike.
ona li sona e ma wan, ona li toko e ni tawa mi.

lon ma ante la, ona li jan pi sama monsuta, li moku e telo loje pi jan.
taso, ona li pilin ike mute tan ken ala moku e telo loje.
ona li sona e jan moku pi telo loje, ona li toki tawa mi.

sina ante li ante, taso ma ante li sama mute.
mi kama sona lili e ma mi tan toki pi sina ante.
en ma ni li jo e ike mute tawa jan mute en sina.

taso, mi wile kama lukin e ma ante mute, en sina ante.
sina ante li jo e pilin ike mute, taso moli ala, en tawa awen nasin.

nasin pi sama ante li sama ala e nasin mi.
taso tenpo mi kepeken kon pi sina ante la, nasin pi weka tu li tawa sama lon tenpo lili.
ken la, ni li tan suli tawa seme.
mi sona ala e ni la, mi pilin ike ala… anu pona e tenpo toki poka sina ante.

tan mi pilin pona e sina:
sina jo pilin ike mute lon ma ante ale, taso tawa awen nasin en moli ala lon ma ante ale.
ma ante ale… ma ni kin.

【一輪のコスモス】

tenpo pali ala la mi en sina li lon ma pi jan mute.
mi en sina li tawa nasin kiwen tawa tomo pi kulupu mi.
sewi pali li laso, kon ma li lete lili pona.
jan lili li tawa weka tan nasin poka mi.
ona li jo mute e kasi pi loje walo lon luka ona tu pi lili, en lukin sama musi.
mi lukin taso e ona.
kama lili la, sina kama sona e seme, en luka sina li tawa anpa pi poka ma. mi toki tawa sina.

“sina o, ijo seme?”
“n, sina o lukin e ni.”

mi lukin e insa luka sina la, ni li lon e kasi lili wan pi loje walo.

“a… ken la jan lili li weka e ona?”
“mi pilin sama pilin sina.”

taso, ona li jo e kasi mute.
tan ni la, mi en sina li wile ala pana e ni tawa ona lon tenpo kama.
sina pilin sama pilin mi la sina tawa ala ona.
taso, sina ken ala weka e ona pi insa luka sina la, luka lili sina li tawa lili sama sike e kasi lili lon insa luka sina kepeken pilin ala.

“n, sina o, sina jo awen e ona anu seme?”
“n, mi pilin e ala, taso… ni li pona tan lukin suwi.”
“n, mi ken sona e toki sina, taso…”

ken la sina jo awen anu ante e ona taso, ijo li kama ike ala.
tan ni la, mi toki ala e ale lon tenpo kama lili.
tenpo mi wile kama tawa e loka la, sina li kalama suli pi wan kepeken pilin pona sama kama open.
sina kama toki lon sina lukin ala mi.

“mi kama wile e ni: pana ni e sina.”
“a…?”

ken la, mi jo e kasi lili pi suwi lon tenpo kama, la jan pi lukin ona li pilin nasa e mi.
mi pilin ni la, sinpin mi li sitelen e musi ala.
taso, sina kama sona ala e ni tan sina lukin ala mi.
sina tawa e luka lili sina tan… pali e ilo seme?

“mi pini e pali. sina o pana e luka sina tawa mi.”

sina toki ona la sina lukin mi.
en sina kama jo e luka mi, en sina pana e pali sina tawa luka lili mi.

ona li kepeken kasi lili sama len namako pi luka lili wan.
ona li pana e kasi lon insa luka palisa mi wan… sama nimi olin.

“lukin suwi a.”

sina pilin sama musi la sina toki ona.

ken la, jan li pilin nasa e mi tan ni:
mi len e ilo namako ni pi kasi lili, en sinpin mi li kama seli en loje tan pilin olin sina lon tenpo ni.
taso, mi ken ala weka e kasi lili ni tan… mi pilin pona mute e pilin sina.
tan ni la, mi li nasa tan sina.