【君が紡ぐ歌】

mi luka e lawa sina lon poka mi kepeken pilin.
luka lili mi li weka e linja pi lawa sina la, sina li tawa ala, tan ni: ken la, sina pilin pona.
mi lukin e sina lon tenpo ni la, mi kama toki tawa sina tan pilin lili ni.

“sina o kama ala kama e kalama musi pi uta lon tenpo ni?”
“a…? kalama musi?”

sina lukin e sinpin mi tan ni: sina sona ala e nimi pi toki mi.
mi tawa anpa e luka mi, en mi toki e pilin mi.

“a… jan ante pi ma sina li kama kalama musi lili lon tenpo pilin pona.
tan ni la, mi pilin e ni: ken la, sina kin li pilin pona e kalama musi ni.”

“n, mi sona e toki sina. taso…”

sinpin sina li ante sama kiwen lili.
sina toki e ni:
“mi wile ala kama e kalama musi lon sinpin sina tan mi ken ala pona e kalama musi pi uta.”

mi pilin pimeja lili tan mi ike tawa sina.
mi wile ala ante e sinpin sina pi sama kiwen.
tan ni la, mi toki e ni kepeken pilin mi:
“mi kama sona e toki sina. n, mi wile ala ante e pilin ike sina.
sina wile ala la, sina o kama ala e kalama musi.”

mi toki ala lon tenpo lili tan pilin pimeja tawa sina.
tenpo mi kama wile sona e toki seme la, sina toki lili e ni lon lukin anpa.

“…sina wile ala wile?”
“n…?”
“sina wile ala wile e ni: mi kama e kalama musi?”

mi kute e toki sina ni la, mi pilin sama open e oko.

mi toki pi sama kipisi e ni tan pilin mi:
“mi… wile e ona. sina pilin pona la taso.”

mi lukin e sina tan mi wile sona e pilin sina.
sina lukin ala e mi.
taso, luka sina lili li luka kepeken wawa lili e luka mi lon anpa, en sina toki:
“n… lili taso la, mi ken ona.”

sina kama e kalama musi kepeken kalama lili.
mi lukin ala e sina lon tenpo ni tan sina toki pini e ni: “sina o lukin ala awen e mi.”
tan ni la, mi pini e oko, mi kute taso e kalama musi pi sina.

kalama musi sina li lili, li kiwen ala. ona li sama len suli pi pilin sina.
mi sona ala mute e kalama musi.
taso, mi pilin e ni: ken la kalama musi sina li kalama musi pi tawa jan lili lape.

tenpo pini la, sina toki e ni: sina jo pini e meli lili pi kulupu mama sina.
ken la, sina pi tenpo pini li kama e kalama musi ni tawa ona tan sina wile pana e lape pona tawa ona.

ni li lon ala lon.
taso, mi kute e kalama musi sina la, mi pilin e pilin sina.
pilin seli pona, pilin sama tenpo pimeja suli.

tenpo ni la, sina kama e kalama musi ni tawa mi.
mi pilin pona mute e ona.
sina toki e ken ala pona, taso mi pilin e sama ala.
kalama musi sina li pona tawa mi.
ken la, meli lili pi tenpo pini li pilin sama mi ni.
tan ni la, mi toki ala, mi kute taso.
en mi pana pi wawa lili e luka mi tawa luka sina.

【光と霧の間で】

luka mi li tawa lon suno pi pimeja.
suno ni li sitelen e pilin, li jo e wawa.
mi alasa e ona, la mi kama jo e suno ni.
mi pilin e ni: jan pi ken kepeken suno ni li sina taso.
tan ni la, mi pana e suno ni tawa sina.

sina jo e luka sama pipi.
luka sina li kiwen, li wawa.
ona ken tu e ijo, taso sina wile ala e ona.
tenpo pini la, tenpo pilin sina li ken kama pakala tan ike mute la, mi wile awen e pilin sina lon.
tan ni la, tenpo pini la mi toki tawa sina: sina o tu e ona lon sinpin sina kepeken luka sina.
ken la, toki mi ni li pilin ike tawa sina lon tenpo pini.
taso, mi pilin e ni: pali ona li ken awen e pilin sina, en sina ken pali e ona.

tenpo pini la, mi sona e ijo sina pi lili taso.
tenpo ni la, mi sona e sina tan nasin tawa pi poka sina.
tan ni la, mi toki tawa sina lon tenpo ni: sina o tu e kon lete kepeken suno ni.
mi pilin e ni mute: sina ken pali e ona.

【砂時計の音】

mi kute e ilo tenpo pi ko jelo.
kalama ni li lili. li kiwen ala.
ko ni li tawa sama telo. li awen poka kalama.
ni li pona lili tawa mi.
kalama lili ni li pana ala e ike tawa mi.
li pana sona taso e tenpo.
taso kalama pi tenpo la, mi wile kute e kalama ante.

kalama ante pi wile mi li ilo tenpo sina.
kalama ni li kiwen pi ilo. li sona ala e tenpo. li kalama kepeken pilin sina.
kalama pi ilo tenpo pi ko sama telo li pona.
taso, kalama pi ilo tenpo pi sina sama pilin li pona mute.
tan e ni: kalama ona li toki sina.

【消えた星図】

mi pini e oko. mi tawa insa pilin mi.
pimeja li awen lon.
tenpo kama la, suno lili wan li kama lon pimeja.
suno ni li kama wawa mute.
mi kepeken luka mi tawa suno ni ─ tawa mun lili.

mi jo ala e pilin pini mi pi tenpo pini.
taso, mi sona e ni: mi lukin anu pilin e mun lili la, tenpo pini en tenpo ni li wile e ni.

mi jo ala e nimi pi mun lili lon tenpo ni.
taso ken la, mi wile kama jo e ni.
mi wile kama sitelen e linja pi mun lili pi weka lon tenpo pini pi lon insa mi.

tan ni la, mi tawa poka jan pi kulupu mi lon nasin sama ma moli tan wile mi.
ken la, pini nasin ni li pona ala tawa jan ale, li kama weka e jan ale… en sina.
taso, ni li lon anu seme la, mi en sina en jan pi kulupu mi li awen tawa tan wile pi ale wan en wan.

【愛 − 恋 ＝ ？】

tenpo pini mute la, mi jo ala e pilin olin tawa sina.
tan ni, pilin mi pi tenpo pini mute li lete.
tan e ni: sina li lawa jan taso tawa mi.

tenpo pini lili la, mi pilin pona mute tawa sina.
tan ni la, mi pi tenpo pini lili li pilin ala lawa jan taso e sina.
tan e ni: sina pana e pilin pona tawa mi lon tenpo pini.
pilin sina lon tenpo pini li sama ala e olin tawa mi.
ken la, pilin sina li pilin sama lukin e soweli lete en pana seli tawa ona.
tan sina wile kama ala moli e soweli lete.
en soweli lete... mi pilin pona e seli sina.

tenpo ni la, mi pilin olin tawa sina.
tan ni la, mi pi tenpo ni wile lon poka sina.
ken la, pilin olin mi tan wile e weka pilin lete.
en, ken la, pilin olin sina tan wile lukin ala taso e moli pi pilin mi.
...kan la, pilin olin pi jan ale li tan wile e pakala ala pi pilin pi jo jan.

taso,mi pilin ike ala e ijo ni: mi kama jo e pilin olin lon tenpo ni.
tan e ni: pilin olin li seli pona, tenpo poka sina li pona mute, en sina kin li pilin sama mi.